HP CM8060 Color MFP with EdgeLine Technology

moved from olivandr.blogspot.com -> esch immer wieder interessant, wie unterschiedlich doch d vorstellige vo verschiedene lüt zum thema wichtig oder weniger wichtig send… es git schiins firme wo en guet funktionierende und zueverlässige partner dur eine ersetzed wo offebar s gfühl het, es sig doch eigentli gar ned so wichtig ob es 60’000 franke-copycenter scho sit 2 1/2 wuche staht und wenn me die ganz sach uussitzt vellech sich sälber repariert oder under ere so dicke staubschicht verschwindt, dass me en nöm findet und denn vergisst dass er jemals existiert het. ich glaub aber, dass sich das irgendwenn rächt… chönnt ja si dass sich denn glich no so en blöde on-siter vellech no dra dänkt dass de staubhuufe mit dem komische zättel mit em text “defekt, wird gleich morgen repariert”und eme datum wo scho 2 wuche zruggliet, eine vo de 2 wichtigschte drucker im ganze gebäude esch. aber esch jo egal… wenn me gnueg lang reklamiert bim hersteller lüted eim plötzlich manager vom hersteller aa… esch no cool, so chan me doch spontan au als “gango” wertvolli kontäkt chnüpfe und werd mit de zit zum “social-networker”…